لو انت شاب متخرج جديد وقلت لواحد صاحبك انا عايز اعمل مشروع ..... هايقولك افتح محل
طيب لو انت مش معاك رأس مال علشان تفتح محل ومافيش حد يمولك المشروع .. هاتعمل ايه ؟
ايه هى فكره المحل ؟ ..... فكره المحل انك بتاخد مكان و بتجهزه و بعدين بتشترى حاجات وكل ده محتاج فلوس و تقعد ف المحل وتستنى العملاء يجوا يشتروا وتضيف مكسب ليك و مصاريف المحل و الايجار بتاعه و تضيف كمان اجور العمال ... يعنى المنتج اللى هاتبيعه لازم تزود على ثمنه تقريبا 25% .... و اذا كان فى حاجه م اللى انت اشتريتها ماتباعتش هاتفضل عندك ف المحل بجانب الحاجات اللى ممكن تبوظ و الهوالك وكل ده فيه مخاطره براس مالك ووقتك
وده ايه علاقته بالتسويق المباشر ؟
التسويق المباشر هو انك مش هاتدفع مصاريف ايجار محل ولا توضيبه ولا حتى هاتدفع ثمن المنتج اللى بتبيعه الا لما تبيعه فعلا.. يعنى لا هاتغامر برأس مال لو كان معاك اصلا ولا هاتغامر بمنتج ممكن مايتباعش ...... ده بالنسبالك
بالنسبه للعميل بقي ... المنتج بدل ما هايروح يدور عليه و يضيع وقته ومجهوده .. وبدل ما يشتريه من محل بزياده تتراوح من 25% الى 50% هايلاقيه قدامه بسعره الحقيقي وعليه 5% بس مكسب للمندوب اللى جايبهوله
يعنى ببساطه التسويق المباشر هو انتقال السلعه من مصدرها الى العميل بشكل مباشر ... لان فى التسويق العادى بتتنقل من المصدر الى الموزع اللى واخد توكيلها الى محل الجمله الى محل القطاعى ثم الى العميل ... وطبعا كل الوسطاء لازم يضيفوا على المنتج ف بالتالى بيوصل للعميل غالي نسبيا ... وانت اكيد بتشترى حاجات وعارف
يعنى فى التسويق المباشر العميل هياخد حاجه رخيصه .... وانت هاتبيع و تكسب من غير ماتشيل هم راس مالتبدأ بيه مشروعك
العميل لو اشتري حاجه من المندوب بتاعنا وطلعت مش كويسه ممكن جدا يرجعها او يستبدلها لانها هايكون عليها ما يثبت انها من مندوبنا و هايكون عليها ضمان و رقم تليفون الشركه وعنوانها هايكون مدون على المنتج ..... يعنى موضوع الثقه ماتقلاقش منها مندوب مبيعات ..... وظيفه ؟
لازم تعرف ان مندوب مبيعات غير البائع الجائل الفرق بينهم ان واحد فيهم بيمثل شركه ومنظمه متكامله ليها مستورديها ومديرين وليها سكيرتاريه وليها محامين ومحاسبين ومسؤلين مخازن وناس كتير مهمه واقفه وراه علشان هو واجهه لشركه كبيره و نجاحه من نجاح الشركه و الاهم من كل ده ليها اسمها وثقلها
اجابه السؤال هى ايوه وظيفه مندوب مبيعات هى وظيفه لكنك لازم تعتبرها وظيفه مؤقته
وده لانك قدامك شهرين او تلاته تدريب على حسب استيعابك علشان تكون مندوب مبيعات ناجح لاننا ببساطه مش بنقبل يكون عندنا مندوب مبيعات فاشل ودول كتير جدا .... بعد ماتجتاز فتره التدريب هاتتثبت بمرتب اساسي 600 جنيه غير الحوافز و المكافئات
انك تكون مندوب مبيعات لينا دى البدايه بس مش نهايه المشوار لان بعد فتره خبره تقدرها الاداره هاتكون مدرب تدرب الناس الجداد ازاى يكونوا مندوبين ناجحين زى ما انت ف يوم م الايام كنت جديد واتدربت ... وتقيمهم وتفضل وراهم لغايه مايكونوا نسخه منك فى السلوك و الكفائه وهاتفضل كده لغايه ما يكون 2 منهم مدربين
بعد كده هاتكون مدرب اول مهمتك انك تقييم المدربين اللى كانوا تحت تدريبك من اول ما جم الشركه و تعلمهم ازاى يكونوا مدربين ناجحين زى ما انت كنت مدرب ناجح
يعنى كده انت ثبت 2 مدربين على الاقل ...... ولو حد فيهم ثبت مدرب هاتترقي الى مساعد مدير تمهيدا انك تبقي مدير فرع لما كل واحد فيهم يثبت 2مدربين ... يبقي انت كده هتاخدهم وتطلع بيهم على فرع جديد تكون انت مديره ...... يعنى تبقي مدير فرع
ولو ثبت كفائه فى الاداره وطلع حد من المجموعه بتاعتك مدير فرع هايكون تحت ادارتك ومتابعتك لغايه ما يكون نسخه منك فى الاداره و المتابعه
وطبعا كل ما تترقي درجه العقد بتاعك بيتغير و المقابل بيزيد علشان الاختصاصات بتزيد
و الترقيات بيكون منصوص عليها فى العقد اللى بتوقعه مع الاداره من اول ما تكون مندوب مبيعات بعد اجتياز فتره التدريب